Е.П.Сивцев аатынан 2 Хомустаах үөрэнээччилэрэ мас тардыһыытын көрүҥүнэн утумнаахтык дьарыктанабыт. Дьарыкпыт түмүгүнэн улууска, Республика таһымнаах күрэхтэргэ кыттабыт. Ол курдук олунньу 15, 16, 17 күннэригэр бастыыр иһин Республикатааҕы мас тардыыһыытыгар аһаҕас күрэххэ кыттан кэллибит. Манна Республика араас муннуктарыттан 2002, 2003, 2004, 2005 сыллаах төрүөх уолаттар күөҥ көрүстүлэр. Күрэххэ маннык көрдөрүүлээхтик кытынныбыт:

40 киилэҕэ Марков Ваня 8 кылаас үөрэнээччитэ кииристэ: 3 кыайыы, 1хотторуу;

45 киилэҕэ Пестряков Никита 7 кылаас үөрэнээччитэ кииристэ: 0 кыайыы, 2 хотторуу;

50 киилэҕэ Протопопов Ярослав, Сивцев Егор 9 кылаас үөрэнээччилэрэ, Попов Илья 8 кылаас үөрэнээччитэ кииристилэр.Көрдөрүүлэрэ: Ярослав: 1 кыайыы, 2 хотторуу; Егор: 4 кыайыы, 2 хотторуу;

55 киилэҕэ Протопопов Ньургун 7 кылаас үөрэнээччитэ, Попов Айтал 8 кылаас үөрэнээччитэ кииристилэр. Көрдөрүүлэрэ: Ньургун: 3 кыайыы,2хотторуу; Егор: 4 кыайыы, 2 хотторуу; Айтал: 1 кыайыы, 2 хотторуу;

60 киилэҕэ Юшков Слава 9 кылаас үөрэнээччитэ кииристэ: 4 кыайыы, 2 хотторуу;

            Мин санаабар, кыттыбыт уолаттар бэйэлэрин холлоругар үчүгэйдик кииристилэр. Өссө да инникитин дьаныардаахтык дьарыктаннахпытына миэстэлэһиэххэ сөп эбит диэн түмүккэ кэллибит. Биһигини мас тардыыһыытыгар хаһыс да сылын Петр Романович Уваровскай утумнаахтык дьарыктыыр, эрчийэр. Үрдүк таһымнаах күрэхтэргэ кыттаммыт элбэҕи ылынабыт уонна эппиэтинэстээх буоларга үөрэнэбит. Тренербит Петр Романович көмөтүнэн эрчиллэммит ситиһии кэлиэ диэн эрэнэбит.

Марков Михаил, 6 кылаас үөрэнээччитэ.