Олоҥхо тыла, төрөөбүт тылбыт оҕону тулалыыр эйгэ кэрэтин таба көрөргө, ойуулаан туттар тэрил, киэргэл оҥорон  таһаарарга угуйуохха диэн сыаллаах Е.П.Сивцев аатынан 2 Хомустаах орто оскуолатыгар олунньу 13 күнүгэр “Саха тылын суругун-бичигин күнүгэр” аналлаах тэрээһин ыытыллан ааста. Бу күн бука бары: үөрэнээччилэр, үлэһиттэр  сахалыы таҥастаах үөрэннибит, үлэлээтибит. Оскуолабыт остолобуойугар саха төрүт аһын амсайдыбыт.

Саха тылын күнүн чэрчитинэн оскуола үөрэнээччилэригэр анаан бөлөхтөрүнэн маастар-кылаастар ыытылыннылар. Алын кылаас үөрэнээччилэригэр “Сахалыы сувенирдар, иһиттэр” маастар кылаас ыытылынна. Маастар кылааһы Кривошапкина Мария Хрисанфовна, Аргунова Ирина Васильевна, Рожина Яна Петровна,  Пестрякова Зоя Николаевна салайан ыыттылар.

Орто уонна улахан сүһүөхтэргэ маннык маастар кылаастар ыытылыннылар:

1. “Сахалыы открытка-халандаар” маастар кылааһы оскуола библиотекаря Ширяева Варвара Иннокентьевна салайан ыытта.
2.  “Сахалыы ыйдарынан харсыхал” маастар кылааһы саха тылын уонна литературатын учуутала Аргунова Марианна Васильевна салайан ыытта.
3. “Сахалыы истииллээх блокнот” маастар кылааһы саха тылын уонна литературатын учуутала Павлова Анна Николаевна салайан ыытта.
4. “Фанераттан сахалыы моһуоннаах киэргэллэр” маастар кылааһы технология уруогун учуутала Олесов Николай Денисович салайан ыытта.
5. “Оҕуруонан сахалыы симэх” маастар кылааһы технология уруогун учуутала Копырина Любовь Андреевна салайан ыытта.
6. ”Талах, мастан сувенирдар” маастар кылааһы уруһуй уруогун учуутала Слепцова Александра Романовна салайан ыытта. 
7. “Сахалыы маллаах иһит” маастар кылааһы дириэктэри иитэр үлэҕэ солбуйааччы Копырина Надежда Андреевна салайан ыытта.

Бу маастар-кылааска үөрэнээччилэр илии оҥоһуктарын оҥордулар. Бөлөхтөрүнэн үлэ түмүгэр үөрэнээччилэр бэйэлэрэ оҥорбут араас оҥоһуктарын хайдах оҥорбуттарын көмүскээтилэр. Ол курдук хаалбыт материалтан блокнот киэргэтиитигэр,салама, сувенирдары, чугас дьонноругар бэлэх открыткалары, араас киэргэллэри, симэхтэри, талахтан, мастан сувенирдары, маллаах иһиттэри оҥорорго үөрэннилэр, бэйэлэригэр элбэх туһалаах сүбэни ыллылар.

Таллан Бүрэ 110 сыла

Биһиги нэһилиэкпитигэр, 2 Хомустаах нэүилиэгэр олунньу 14 күнүгэр саха биллиилээх суруйааччыта, поэт, ССРС суруйааччыларын союһун чилиэнэ, Саха АССР культуратын үтүөлээх үлэһитэ, “Бочуот знага” уордьан уонна элбэх мэтээл кавалердара Ефрем Степанович Сивцев-Таллан Бүрэ 110 сылыгар аналлаах “Таллан талба талаана” диэн тэрээһин буолан ааста. Тэрээһини нэһилиэк библиотекаря Слепцова Елена Васильевна тэрийэн ыытта. Кини Таллан Бүрэ олоҕун, айар үлэтин туһунан сырдатан кэпсээтэ. Оскуола үөрэнээччилэригэр, ыалдьыттарга Таллан Бүрэн аатынан виртуальнай музейы көрдөрдө. Бу тэрээһиҥҥэ алын кылаас үөрэнээччилэрэ Таллан Бүрэ айымньытын бөлөҕүнэн ааҕан иһитиннэрдилэр. Суруйааччы хоһооннорун Охлопков Никита 2 кылаас үөрэнээччитэ, Олесов Эльдар, Старков Эрхан 5 кылаас үөрэнээччилэрэ, Афанасьев Андриан 6 кылаас үөрэнээччитэ ааҕан иһитиннэрдилэр. Ону сэргэ, бу тэрээһиҥҥэ кыттыбыт оҕолор Бөтүҥ орто скуолатыгар улуустааҕы Таллан Бүрэ ааҕыыларыгар олунньу 25 күнүгэр кыттан кэллилэр. Бастакы кылаас үөрэнээччилэрэ “Кэскиллээх ааҕааччылар” диэн анал аакка тигистилэр. Биирдиллээн хоһоон ааҕыытыгар алын кылаас үөрэнээччилэригэр 4 кылаас үөрэнээччитэ Данилова Алина бастакы миэстэни ылла. Кыттыбыт оҕолорго туоһу сурук туттарылынна.