Бала5ан ыйын  22 кунугэр Буойун учаастагар ахсыс сылын «Нэhилиэк кунэ» бэрт тэрээhиннээхтик ыытылынна. Бу кун Сэргэлээх участокка сана модульнай котельнай арыллан улэ5э киирдэ. Котельнайга 30-ча ыал ититиитин холбонно. Уеруулээх тэрээьиннэ улуус баьылыга Атласов А.П., «Намкоммунтеплоэнерго» акционернай общество начальнига Игнатьев Н.В., нэьилиэк баьылыга Дмитриев А.К., улуус дьаьалтатыттан бэрэстэбиитэллэр кыттыыны ыллылар.

Буоларын курдук нэьилиэкпит улэьит, ситиьиилээх дьоно улуус, нэьилиэк баьылыктарыттан махтал сурук, грамота туттулар.

Сэргэх, сонун конкурстар буоллулар: тэрилтэнэн барыанньа курэ5э, «Мин тереебут дэриэбинэм 10 сылынан» уруьуй конкурса, «Тереебут дойдум» фотоконкурс, о5олорго велогонка, улахан дьонно трактор курэ5э буолан ааста.

Сылын ахсын биьиги оскуолабыт коллектива нэьилиэк ыытар бары тэрээьиннэригэр кехтеехтук кыттан мэлдьи бириистээх миэстэ5э тиксэр. Ол курдук, быйылгы барыанньа курэ5эр барыта 36 араас барыанньаны онорон, дьон дьуулугэр таьааран I-кы бочуоттаах миэстэни ылла.

Бу кун нэьилиэк дьонун-сэргэтин Саха эстрадатын сулустара Айгылаан, Анатолий Горохов, улууспут биллэр-кестер ырыаьыта Афанасий Татаринов бэйэтин командатын кытта кэлэн олус сэргэх концерды бэлэхтээн, уерууну-кетууну уксэттилэр. Нэьилиэк дьоно дуоьуйа сынньаннылар, астыннылар!