Кыыс оҕо куруутун кэрэни эрэ түстүүр, кэрэни эрэ ыралыыр, кэрэни эрэ айар аналлаах диэн сыалтан Е.П.Сивцев аатынан 2 Хомустаах орто оскуолатыгар алтынньы 8-13 күннэригэр кыыс оҕо күнүгэр аналлаах "Кыыс оҕо - күн айбыт аанньала" диэн нэдиэлэ чэрчитинэн үрдүк таһымнаах тэрээһиннэр буолан аастылар.

Ол курдук, алтынньы 12 күнүгэр 3 чаастан алын кылаас кыргыттарыгар аналлаах "Мин таптыыр куукулам" күрэх ыытылынна. Күрэххэ 1-4 кылаас кыргыттара кытыннылар. Уопсайа 23 кыыс кыттыыны ылла. Манна кырачаан кыргыттар куукулаларын маанытык таҥыннаран, киэргэтэн-симээн аҕалан көрдөрдүлэр. Күрэх түмүгүнэн кыайыылаахтарынан Осипова Иванна - 1 кылаас, Находкина Айта - 2 кылаас, Сивцева Таня - 3 кылаас, Копырина Ньургуйана - 4 кылаас ыллылар. Күрэҕи 4 кылаас үөрэнээччилэрэ Ефимов Леня, Николаев Миша ыыттылар.

Бу күн киэһээ 5 чаастан ортоку, үрдүкү кылаас кыргыттара сатабылларын, талааннарын, учууталлары кытта араас бөлөххө арахсан "Красиво и вкусно" тэрээһиҥҥэ кыттыннылар. Ол курдук, кыргыттар маннык бөлөхтөргө арахсан үлэлээтилэр: "Бургер-хит" (салайааччы - Е.П.Новгородова), "Брошь для всех" (Кочилова А.А., Никитна У.И.), "Сладкие мечты" (Аргунова М.В.), "Смузи-смузи" (Максимова А.М., Протопопова Н.З.), "Арт-макияж" (Копырина Л.А., Слепцова А.Р.,Дорофеева С.И..), "Пиццерия рядом" (Максимова Т.М., Павлова А.Н., Ширяева В.И.). Үөрэннээчилэр бэйэлэрэ оҥорбут киэргэллэрин, кыргыттар кэрэ көстүүлэрин, тотоойу, минньигэс астарын төрөппүттэр, нэһилиэк олохтоохторо көрөн-истэн, кэрэхсээн, амсайан, атыылаһан, сэргээн дуоһуйа сынньанан тарҕастылар. Бу тэрээһини 5 кылаас үөрэнээччилэрэ Осипов Альберт, Старков Эрхан салайан ыыттылар.

Павлова А.Н., саха тылын уонна литературатын учуутала