Муус устар 1-2 күннэригэр биhиги оскуолабытыгар Дьокуускай куорат 12-с нүөмэрдээх орто оскуолатын үөрэнээччилэрэ ыалдьыттаан бардылар. Уопсайа 13 үөрэнээччи, 6 төрөппүт, физкультура учуутала Габышев Владислав Федорович уонна салайааччы Михайлов Гаврил Федорович.
Дьулуур түмсүү “Дьикти кэрэ Нам сирэ” экспедициятын программата:
- Никольскайдаа5ы И.С.Шарапов аатынан Сир музейа,
- Намнаа5ы П.И.Сивцев аатынан этнографическай музей,
- Хатың Арыытаа5ы И.Е.Винокуров аатынан кыраайы үөрэтэр музей,
- Е.П.Сивцев аатынан 2-с Хомустааах орто оскуолатын 7-с кылааhын о5олорун кытта до5ордоhуу киэhэтэ,
- Муус аннынан балыктааhын.
“До5ордоhуу киэhэтигэр” ыытылынна:
- Билсиhии. Оскуолабыт историятын билиhиннэрдилэр Протопопова Туйаара, Протопопов Степа.
- Сылгы далын ыраастааhын. Оскуолабыт автобуhунан баран сылгы далыгар киирэммит сылгы саа5ын куулга хомуйдубут.
- Нэhилиэк музейыгар ыалдьыттааhын. Музей директора Дмитрий Евсеевич Сивцев 2 Хомустаах историятын кэпсээтэ, о5олор интэриэстэрэ үрдээн, элбэх ыйытыы биэрдилэр.
- “Смотр строя и песни”- курэх.
- Военнизированнай эстафета. Хамаандаҕа-10 киhи, 10 түhүмэ5инэн күрэхтэстилэр. 2 о5олор хамаандалара уонна тереппүт хамаандата. Тыңааhыннаах күрэх түмүгүнэн: 1- миэстэ олохтоох оскуола 7 кылааhын үөрэнээччилэрэ (2 мүнүүтэ 10 сөкүүндэ), 2- миэстэ тереппуттэр (3 мүнүүтэ 45 сөкүүндэ) , 3- миэстэ куорат оскуолатын хамаандата буоллулар (4 мүнүүтэ 15 сөкүүндэ).
Улахан ыhыылаах - хаhыылаах күрэх кэнниттэн бары киэhээңңи аhылыкпытын аhаатыбыт. Ол олорон ыалдьыттарбыт сыалларын-соруктарын, оскуолаларын, инники туох былааннаахтарын кэпсээн биэрдилэр. Дьокуускайдаа5ы 12-с нүөмэрдээх оскуола о5олору сахалыы тыыннаах, патриотическай өйгө- санаа5а иитэн таhаарар сыаллаах буолан, кыра эрдэхтэриттэн сири-дойдуну, саха сирин историятын кытта билиhиннэрэр араас хабааннаах экспедицияны тэрийэллэр эбит. Ол курдук “Дьикти кэрэ Нам сирэ”экспедициянан биhиэхэ ыалдьыттаан бардылар.
О5олор дискотекалаатылар, волейбол оонньоотулар. Ыалдьыттар спортивнай залга маатка хонон турдулар. Бары оннук хонордуу ох курдук оностон кэлбиттэр.
Нөңүө күнүгэр Буойун учаастагар Мэңэ тааhы көрдүбүт. Онтон салгыы муус аннынан балыктааhыңңа бардылар.
Бу билсиhии манан эрэ бүппэккэ, инникитин көдьүүстээхтик о5ону сайыннарыыга, иитиигэ үлэлэhиэхпит диэн бигэ эрэллээхпит.
|