«Кэрэни кэрэхсээ, үтүөнү түстээ»

2016 сыл, муус устар 08 күнүгэр Евсей Павлович Сивцев аатынан 2 Хомустаах орто оскуолатыгар Нам улууhун бочуоттаах гражданинын, II Хомустаах орто оскуолатын бастакы директора Евсей Павлович Сивцев аатын үйэтитэр сыаллаах-соруктаах «Саха өрөспүүбүлүкэтин «Нам улууhа» муниципальнай тэриллии Υөрэ5ин управленията» казеннай муниципальнай тэрилтэтэ өйөбүллэринэн, Евсей Павлович Сивцев о5олоро, аймахтара кө5үлээhиннэринэн, Саха Республикатыгар 2016 сыл – Эбии үөрэхтээhин сыла биллэриллибитинэн, дьиэ кэргэҥҥэ о5о иитиитигэр аналлаах улуустаа5ы Нам улууhун  үөрэнээччилэригэр уонна төрөппүттэригэр аналлаах «Кэрэни кэрхсээ, үтүөнү түстээ» диэн Сивцевскэй олимпиада ыытылынна.

Тэрээhин аhыллыытыгар    Нам улууhун уерэ5ин управлениетыттан Рехлясова Наталья Степановна республика5а I-кы төрөппүттэр форумнарын чэрчитинэн, дьиэ кэргэҥҥэ о5ону иитиигэ сүрүн бол5омто ууруллубутун, 2 Хомустаах орто оскуолатын коллектива  төрөппүт аа5ыытын уларытан, дьиэ кэргэн түмсэн, айан таhаарар олимпиадатыгар уларыппытын, саҥа сүүрээн киллэрбитин бэлиэтээтэ. Олимпиада5а улуус 5 оскуолатыттан 4 а5а, 15 эбэ, ийэ, эдьиий о5олорунаан кытыннылар. «Сибэкки симэ5э» хайысха5а ийэлэр о5олорун кытта эргэ, туhаттан тахсыбыт малга иккис тыын биэрэн, сибэкки иhитин кэрэ көстүүлээн оҥордулар. Оттон «Уран» хайысха5а а5алар тимиртэн уонна массыына көлүөhэтиттэн эмиэ сибэкки иhитин айан таhаардылар.

Ол курдук, «Уран» хайысха5а Намнаа5ы начальнай оскуола аатыттан Михайлов Анатольевич кыыhынаан Дианалыын тимиртэн олус кэрэ быhыылаах, сахалыы харысхал бэлиэлээх сибэкки уурар иhитин оҥорон кыайыылаах аатын сүктүлэр. Осипов Константин Владимирович уолунаан Мишалыын (2 Хомустаах орто оскуолата), Петухов Семен Михайлович уолунаан Сенялыын (Модут орто оскуолата) массыына көлүөhэтиттэн араас быhыылаах клумба айдылар.

Оттон ийэлэр, эбэлэр, эдьиийдэр кыргыттарын кытта «Сибэкки симэ5э» хайысха5а Нам 1-кы номердаах орто оскуолатын аатыттан Шапошникова Анна Петровна кыыhынаан Ангелиналыын «Кыыс о5о» иhитин тигэн 1-кы миэстэ, 2 Хомустаах орто оскуолатыттан Захарова Мария Семеновна сиэн балтынаан Яромиралыын 2-с миэстэ уонна 1-кы номердаах орто оскуолатын үөрэнээччитэ Алгыстаана ийэтинээн Герасимова Маргарита Семеновналыын 3-с миэстэни ыллылар.  Маны таhынан, атын да үлэлэр анал ааттарга тигистилэр. Бу үлэлэр оскуолабытыгар хаалан, улуустаа5ы төрөппүт уонна о5о «Кэрэни кэрхсээ, үтүөнү түстээ» коллекциятыгар бэлэх буоллулар.

Бу тэрээhин о5о иитиллэр эйгэтин тупсарыыга саҥаттан саҥа көдьүүстээх үлэ көрүҥүн көрдүүр, дьиэ кэргэҥҥэ о5о иитиллэр тирэ5ин араас ньымаларын түмэригэр сүрүннэммит үлэни киэҥ араҥа5а  тар5атар, о5о төрөппүтүн кытта бииргэ оҥорон таhаарар үлэлэригэр сатабылы, дьо5уру, түмсүүлээх буолууну сайыннарар тэрээhин буолар. Евсей Павлович Сивцев аатынан 2 Хомустаах агрооскуолатын коллективын аатыттан, ыҥырыыбытын ылынан  кыттыыны ылбыт төрөппүттэргэ, о5олорго, Евсей Павлович Сивцев о5олоругар, сиэттэригэр, аймахтарыгар, Нам улууhун уерэ5ин управлениетыттан Рехлясова Наталья Степановна5а, эбии үөрэхтээhин кииниттэн Суздалов Николай Иннокентьевичка махталбытын тиэрдэбит.

Директоры иитэр үлэ5э солбуйааччы Копырина Н.А.