Бу үөрэх дьылын маҥнайгы чиэппэрэ биһиги оскуолаҕа, Дойдубут үгүс муннуктарыгар курдук, хаһааҥҥытааҕар да күүтүүлээхтик саҕаламмыта.
Оҕолор уһун ыйдааҕы "дьиэҕэ үөрэх" кэннэ, сэниэ-куус ылынан, билии-көрүү саҥа аартыктарын дабайарга эрэллээхтик туруммуттара.
Ол курдук, балаҕан ыйын маҥнайгы күнүгэр 13 оҕо саҥа бартыбыалы кытта "үөрэнээччи" үрдүк аатын сугэннэр оскуола боруогун атыллаабыттара.
Орто уонна үрдүкү сүһүөх үөрэнээччилэригэр үөрэх дьылын саҥатыттан билиини-көрүүнү тургутан көрөр бэрэбиэркэлиир үлэлэр ыытылланнар, оҕолору сөптөөх хайысхаҕа көҕүлээтилэр диэххэ наада.
Нэһилиэкпитигэр биир чаҕылхай түгэнинэн балаҕан ыйын 26 күнүгэр асфальт суолу кытта "Сэргэлээх" учаастагын үөрүүлээх арыллыыта буолбута.
Бу тэрээһиҥҥэ биһиги оскуолаттан үгүс оҕо кыттыыны ылбыта.
Маны таһынан куйаар ситиминэн Ийэ күнүгэр аналлаах онлайн-концерт, Аҕам саастаахтар күннэрин бэлиэтээһин, "Halloween" күнүгэр медицинскэй мааска күрэҕэ уонна да атын араас хабааннаах тематическай акциялар буолан ааспыттара.
Оскуолабыт иһигэр Намнааҕы З.П.Винокуров аатынан ДШИ филиала арыллан - хореография куруһуога үлэтин саҕалаата. Үгүс оҕо үҥкүү араас хайысхаларыгар суруттаран саҥа уөрэх сылын сэргэхтик көрүстүлэр.
Хамаҕаттаҕа ыытыллыбыт "Ырыанан дуорайар оҕо саас" онлайн ырыа күрэҕэр үрдүк ситиһиибитинэн
1.Эрсан Копырин (5 кыл) Лауреат 2 степени
2.Алина Данилова, Ньургуяна Копырина (7 кыл) дуэт - Дипломант 2 степени
3.Ольга Данилова (9 кылаас) (- Дипломант 3 степени
4.Ярослав Протопопов (11 кыл) "Көрөөччү биһирэбилэ» анал аат
5.Старков Андрей Петрович - "Бастыҥ уhуйааччы" - үрдүк ааттарын ылар чиэскэ тиксибиттэрэ.
Маҥнайгы чиэппэр түмүгүнэн, оскуолабытыгар 128 үөрэнээччилээхпит, үөрэх хаачыстыбата - 48,3 % тэҥнэстэ.
Күһүҥҥү сынньалаҥ кэмигэр үгүс үөрэнээччи куйаар ситимин нөҥүө ыытыллар эбии дьарыкка суруттаран иллэҥ кэмнэрин туһалаахтык атаардылар.
Сэтинньи 13 күнүгэр биһиги оскуолаттан 5 үөрэнээччи - Осипова Саина 10 кыл., Слепцова Вероника 10 кыл., Захарова Лидианна 10 кыл., Максимова Рада 11 кыл., Протопопова Туйаара 11 кылаас уонна Максимова Татьяна Михайловна - педагог-психолог - XX үйэ улуу педагога А.С.Макаренко үбүлүөйдээх 115 сааһыгар аналлаах норуоттар икки ардыларынааҕы форум региональнай этабыгар кыттаннар - оскуолабыт 4 миэстэни ылары ситистэ | 
