Маннык ааттаах оскуолабыт 85 сааһын көрсе сарсыарда 11 чаастан үөрүүлээх-көтүүлээх быһыыга биһи оскуолабытыгар сылтан сыл үүнэр кэнчээри ыччаты үрдүктэн үрдүккэ көтүппүт, өр сыл учууталынан, директорынан үлэлээбит тыыл уонна педагогическай үлэ ветерана, «Нам улууһун бочуоттаах олохтооҕо», «Учууталлар учууталлара» Евсей Павлович Сивцев бюһун арыйарга аналлаах “Өрөгөй эн күҥҥүн уруйдуу” диэн ааттаах миитин буолла.

          Бу бюһу скульптор Афанасий Афанасьевич Романовка анаан оҥорторон Евсей Павлович төрөппүт оҕолоро аҕаларын аатын сүгэр оскуолаҕа үйэлэргэ бэлэхтээтилэр.

          Манна ыҥырыылаах ыалдьыттарынан буоллулар:

Сивцев Д.Е. - педагогическай үлэ ветерана, РФ уопсай үөрэхтээһин бочуоттаах үлэһитэ,  2 Хомустаах Ытык киһитэ, олохтоох музей директора, Е.П. Сивцев төрөппүт уола;

Габышева М.Д. - РСФСР үөрэхтээhинин туйгуна, Саха Республикатын үөрэхтээhинин бочуоттаах ветерана,  «Учууталлар учууталлара» знак, «Үлэҕэ килбиэнин иhин» мэтээл хаьаайына;

Готовцев И. Н. - Саха Республикатын үтүөлээх учуутала, РСФСР норуотун үөрэҕириитин туйгуна, СР үөрэҕириитин туйгуна, учууталлар учууталлара,  СР президенин уурааҕынан “Гражданскай килбиэн иһин” бэлиэ хаһаайына, Нам улууһун бочуоттаах гражданина;

Сотрудникова Е.Н. – СР үөрэхтээһинин туйгуна, педагогическай үлэ ветерана, “Ийэҕэ махтал” мэтээл хаһаайката, СР төрөппүттэр национальнай ассоциацияларын респпубликатааҕы салаатын чилиэнэ, СР оскуола иннинээҕи, уопсай, орто профессиональнай уонна эбии үөрэхтээһиҥҥэ тэрилтэлэрин бастыҥ педүлэһиттэрин күөн күрэҕин гранын хаһаайката, Бүлүү куоратын Геннадий Семенович Донской аатынан  2-с нүөмэрдээх оскуолатын иитэр үлэҕэ дириэктэри солбуйааччы;

Протопопова А.П. – Е.П.Сивцевтэн интервью ылбыт, медик идэлээх.

          Саха Республикатын Өрөгөй гимнынан саҕаламмыт миитини иилээн-саҕалаан ыытта мин үөрэнээччим, чөллөркөй куоластаах СВФУ саха салаатын устудьуона Михаил Габышев. Кэлбит ыалдьыттары эҕэрдэлээн, миитини аста оскуола дириэктэрэ педагогическай наука кандидата, Саха Республикатын үөрэҕириитин туйгуна Ольга Герасимовна Готовцева.

Онтон ыҥырыылаах ыалдьыттартан Е.П.Сивцев төрөппут уола педагогическай үлэ ветерана, РФ уопсай үөрэхтээһин бочуоттаах үлэһитэ,  2 Хомустаах Ытык киһитэ, олохтоох музей дириэктэрэ Дмитрий Евсеевич Сивцев аҕатын туһунан истиҥ ахтыы оҥордо. Фанфар тыаһынан бюһу аһар чиэскэ тигистилэр оскуола дириэктэрэ О.Г.Готовцева, уола Д.Е.Сивцев уонна оскуола лидерэ, үөрэнээччилэр түмсүүлэрин президенэ Сергей Протопопов. Долгутуулаах түгэҥҥэ бюст аһыллаатын кытта үөрэппит оҕолоро, бииргэ үлэлээбит коллегалара, оҕолоро, аймахтара, нэһилиэк дьоно тыыннаах сибэкки дьөрбөлөрүн уурдулар. Оскуола оҕолорун “Күн бытархайдара” бөлөҕө Л.Е.Пестрякова тылыгар, А.П.Меркулов мелодиятыгар оскуола гимнын ыллаатылар, ол кэмҥэ бу ырыаҕа уһуллубут клип көрдөрүлүннэ.

Бу кэнниттэн Е.П.Сивцеви кытта бииргэ үлэлээбит кэмнэрин туһунан истиҥ-иһирэх тылларынан аҕыннылар Муома улууһуттан РСФСР үөрэхтээhинин туйгуна, Саха Республикатын үөрэхтээhинин бочуоттаах ветерана,  «Учууталлар учууталлара» знак, «Үлэҕэ килбиэнин иhин» мэтээл хаьаайына Мария Дмитриевна Габышева,  Намтан Саха Республикатын үтүөлээх учуутала, РСФСР норуотун үөрэҕириитин туйгуна, СР үөрэҕириитин туйгуна, учууталлар учууталлара,  СР президенин уурааҕынан “Гражданскай килбиэн иһин” бэлиэ хаһаайына, Нам улууһун бочуоттаах гражданина Иннокентий Никитич Готовцев.  Онтон үөрэппит оҕото Бүлүүттэн СР үөрэхтээһинин туйгуна, педагогическай үлэ ветерана, “Ийэҕэ махтал” мэтээл хаһаайката, СР төрөппүттэр национальнай ассоциацияларын респпубликатааҕы салаатын чилиэнэ, СР оскуола иннинээҕи, уопсай, орто профессиональнай уонна эбии үөрэхтээһиҥҥэ тэрилтэлэрин бастыҥ педүлэһиттэрин күөн күрэҕин гранын хаһаайката, Бүлүү куоратын Геннадий Семенович Донской аатынан  2-с нүөмэрдээх оскуолатын иитэр үлэҕэ дириэктэри солбуйааччы Екатерина Николаевна Сотрудникова учууталын туһунан түмсүүлээх, үлэһит буоларга кылаас салайааччытын быһыытынан улахан олук уурбутун аҕынна. А.П.Протопопова Е.П.Сивцеви эмтээбитин, ол кэмнэргэ общественнай корреспондент быҺыытынан киниттэн интервью ылбытын кэпсээтэ уонна ол интервьюну магнитнай лентэҕэ уһулбутун оскуолаҕа бэлэхтээтэ.

Миитини сабыан ииннинэ оскуола дириэктэрэ О.Г.Гтовцева Е.П.Сивцев оҕолоругар сүдү бэлэхтэрин иһин коллектив, үөрэнээччилэр ааттарыттан махтанна уонна оскуола олохтообут  бастакы нүөмэрдээх “Үтүө аат” бэлиэтин Сивцев уолугар Дмитрий Евсеевич Сивцевкэ туттарда. Миитин оскуола 7 кылааһын  үөрэнээччитэ Ярик Протопопов толоруутугар “Учуутал эйиэхэ” диэн ырыанан түмүктэннэ. Манна мустубут ыалдьыттар бары астынан тар5астылар.

                                             З.Н.Пестрякова Саха Республикатын

үөрэҕириитин туйгуна, “Учууталлар учууталлара” бэлиэлээх,

миитини сүрүннээн ыыппыт алын кылаас учуутала.